یمن کے ساحل پر سعودی عرب کی بمباری میں 6 پاکستانی ملاح ہلاک

مہر خبررساں ایجنسی نے ڈیلی پاکستان کے حوالے سے نقل کیا ہے کہ سعودی عرب کے جنگی طیاروں کی یمن کے ساحل کے قریب کشتی پر بمباری کے نتیجے میں  6 پاکستانی ملاح ہلاک ہوگئے ہیں۔ اطلاعات کے مطابق کشتی پر 12 پاکستانی ملاح سوار تھے جن میں سے 6 لاپتہ ہیں۔ ذرائع کے مطابق سعودی طیاروں نے یمن کے صوبہ تعز میں مکھہ کے ساحل پرپاکستانی کشتی کو نشانہ بنایاجس میں 12پاکستانی ملاح سوار تھے۔ سعودی طیاروں کی بمباری میں پاکستانی کشتی مکمل طور پر تباہ ہوگئی  کشتی میں 12 افراد سوار تھے جن میں سے 6 کے ہلاک ہونے کی تصدیق ہوگئی ہے جبکہ 6 ابھی تک لاپتہ ہیں ۔ یادرہے کہ مارچ 2015ءسے سعودی عرب نے دس ممالک کے ساتھ ملکر یمن کے عوام کے خلاف جنگ مسلط کی یمنی مانیٹرنگ گروپ کے مطابق اب تک سعودی عرب کے ہوائی حملوں  میں 11400سویلین شہری مارے جاچکے ہیں۔ جبکہ یمن کے بنیادی ڈھانچے کو سعودی عرب نے بالکل تباہ کردیا ہے۔